အမေရိကန်ဒေါ်လာ ၄၀ နှုန်းနဲ့ပြေး ဆွဲပေးမှာဆိုတဲ့ အကြောင်း ဒီကနေ့ထုတ် ကြေးမုံသတင်းစာမှာ ဖော်ပြထားပါတယ်။ ခရီးစဉ်ကတော့ ရန်ကုန်- သထုံ- ဖားအံ- ကော့ကရိတ်- မြဝတီ- မဲဆောက်- ဘန်ကောက်ဖြစ်ပြီး မောင်းနှင် ချိန် ၁၂ နာရီနဲ့ နေ့ချင်း အရောက် ပို့ဆောင်ပေးမှာဖြစ်တယ်လို့ ဆိုပါတယ်။ ထူးခြားတာက သတင်းစာပါ ဖော်ပြချက်အရ မဲဆောက်ကနေ နေ့လယ် ၂ နာရီ မှာ ဘန်ကောက်ကို ဆက်ထွက်မယ့် ကားဟာ ညနေ ၆ နာရီမှာ ဘန်ကောက်ကို ရောက်မယ်ဆိုတာပါဘဲ။ မဲဆောက်- ဘန်ကောက်ဟာ ခရီးသည်တင် ၂ ထပ် အဲကွန်းဘတ်စ်ကားကြီးတွေ အနည်းဆုံး ၈ နာရီနဲ့ ၉ နာရီလောက် မောင်းကြပါတယ်။ စဉ်းစားစရာ တခုပါ။ မှားယွင်းဖော်ပြမှုလည်း ဖြစ်နိုင်ပါတယ်။ မြန်မာနိုင်ငံကနေ ထိုင်းနိုင်ငံ ဘန်ကောက်ကို ဈေးဝယ်ထွက်ချင်သူ၊ အလည်သွားချင်သူတွေနဲ့ ထိုင်းနိုင်ငံက တဆင့် မြန်မာနိုင်ငံ ရန်ကုန်မြို့ကို ဘတ်စ်ကားနဲ့ အလည်သွားချင်သူတွေ၊ ခရီးလမ်း တလျှောက် တောတောင် သဘာဝအလှတွေကို ကြည့်ရှု ခံစားလိုသူတွေအတွက် သတင်းကောင်း တပုဒ် ဖြစ်ပါလိမ့် မယ်။
အိမ့်သံစဉ် ~
No comments:
Post a Comment