“အစီရင်ခံစာမှာ ပါတဲ့အတိုင်း လက်ရှိ သိမ်ကျောင်းနှင့် စေတီတော်ကို မူလအနေအထားမပျက် ပြောင်းရွှေ့မှာတော့ မဟုတ်ပါဘူး။ ဒီနေ့ သြ၀ါဒခံယူတဲ့ ဆရာတော်ဘုရားကြီးတွေရဲ့ အမိန့်ရှိတဲ့အတိုင်း ဖျက်ပြီးတော့ ရရှိလာတဲ့ ဌာပနာတွေကအစ မြေမှုန်ပါမကျန်ရအောင် အကုန်ယူပြီး ရွှေ့ပြောင်းတည်ထားမယ့် စေတီတော်အသစ်မှာ ဌာပနာတွေအဖြစ် ထည့်သွင်းသွားမှာပါ။ ပြောင်းရွှေ့မယ့်ရက်ကတော့ အတိအကျ မသတ်မှတ်ရသေးပါဘူး။သာသနိကအဆောက်အအုံများ ပြောင်းရွှေ့ခြင်းနှင့် ပြန်လည်တည်ဆောက်ရေးကော်မတီ ဖွဲ့စည်းပြီး မကြာမီ ပြောင်းရွှေ့သွားမှာပါ။ ယခုစေတီတော်နဲ့ သိမ်ကျောင်းတို့ထက် ဥာဏ်တော်မြင့်ပြီး တည်ဆောက်သွားမှာပါ”သာသနာရေးဒုဝန်ကြီး ဦးစိုးဝင်းက ပြောကြားသည်။
ရွှေ့ပြောင်းရမည့် သာသနိကအဆောက်အအုံများစာရင်းမှာ ဥာဏ်တော် ၂၇ ပေရှိ စေတီတော်တစ်ဆူ၊ အလျား ၂၃ ပေ၊ အနံ ၁၈ ပေ၊ အမြင့် ၁၅ ပေရှိ သိမ်ကျောင်းဆောင် တစ်ဆောင်၊ အလျား ၂၀ ပေ အနံ ၁၆ ပေ၊ အမြင့် ၁၅ ပေရှိ ဂန္ဓကုဋိကျောင်းဆောင် တစ်ဆောင်၊ ၇၂ ပေပတ်လည်ရှိ မဟာရံအုတ်တံတိုင်းနှင့် အ၀င်မုခ်ဦးတို့ ပါရှိကြောင်း သိရသည်။
ယခုရွှေ့ပြောင်းမည့်နေရာနှင့် မူလနေရာတို့မှာ ကိုက် ၁၅၀၀ ခန့် ကွာဝေးပြီး ကျော်ရွာ၏တောင်ဘက် ပေ ၃၀၀ ခန့်အကွာ ညောင်ပင်ကြီး-ယင်းမာပင် ကားလမ်းဘေး အလျား ၄၀၀ ပေ၊ အနံ ၂၀၀ ပေရှိ မြေနေရာသို့ ပြောင်းရွှေ့မည်ဖြစ်ပြီး ပြည်ထဲရေးဝန်ကြီးဌာန ၁၃-၁၂-၂၀၁၃ ရက်စွဲပါ အမိန့်ဖြင့် အခွန်လွတ်သာသနာ့မြေဂရမ် ခွင့်ပြုမိန့်ရရှိပြီးဖြစ်ကြောင်းနှင့် ရွှေ့ပြောင်းပြီးပါက သာသနိက အဆောက်အအုံများတွင် မူလအလှူရှင်နှင့် ပြုပြင်မွမ်းမံခဲ့သည် အလှူရှင်များ၏ အမည်ကို ကမ္ပည်းထိုးပြီး ကမ္ဘာတည်နေရာပြစနစ် (GPS) ဖြင့်တိုင်းတာထားပြီး မူလတည်ရှိနေရာ သာသနိကအဆောက်အအုံများ ၏နေရာအမှန်ကိုလည်း ကျောက်စာတွင် ထည့်သွင်းထားမည်ဖြစ်ကြောင်း စစ်ကိုင်းတိုင်းဒေသကြီးအစိုးရအဖွဲ့ ၀န်ကြီးတစ်ဦးထံမှ သိရသည်။
Eleven Media Group
No comments:
Post a Comment