ရန်ကုန်တက္ကသိုလ်ဝန်ထမ်းများထံမှ သိရသည်
နှစ်ပေါင်းများစွာ ဖွင့်လှစ်ခြင်းထားခြင်း မရှိသော ရန်ကုန်တက္ကသိုလ်ကို ၂၀၁၃ ခုနှစ် ဒီဇင်ဘာ (၂)ရက်နေ့မှ စတင်၍ နယ်ပေါင်းစုံမှ ပထမနှစ်ကျောင်းသားများကို ပြန်လည်တက်ရောက် ပညာသင်ကြား ခွင့်ပြုခဲ့သည့် အတွက် စာ သင်ခန်းများနှင့် ကျောင်းသားအဆောင်များအား ပြန်လည် ပြုပြင်မှုများ ပြုလုပ်ရာတွင် အလှူငွေ များလည်း လိုအပ်နေသလို အလှူရှင်များပေါ်ပေါက်လာပါက ယခုထက် ပိုမိုကောင်းအောင် လုပ်ဆောင်နိုင်မည် ဟု ဒေါက်တာ ဦးလှဆွေမှ ပြောကြားခဲ့သည်ကို ရန်ကုန်တက္ကသိုလ် ဆရာ/ ဆရာမများနှင့် ၀န်ထမ်းများအကြား ဝေဖန်မှုများ ဖြစ်ပေါ်လာခြင်းဖြစ်သည်။
”အလှူရှင်တွေဆီက အလှူငွေတွေတောင်းပြီး သူကဘာလုပ်ဖို့လဲ။ စေတနာရှင်တွေက လှူတဲ့ငွေဆို တော့ သူတို့ လုပ်ချင်သလိုလုပ်လို့ရတယ်ဆိုပြီး ပြောတာနေမှာပေါ့”ဟု ရန်ကုန်တက္ကသိုလ်တွင် အနှစ်၂၀ ကြာ တာဝန် ထမ်းဆောင်နေသော ၀န်ထမ်းတစ်ဦးက ပြောသည်။
လက်ရှိအချိန်တွင် ရန်ကုန်တက္ကသိုလ်၌ အောက်မြန်မာပြည်မှ ပထမနှစ်ထူးချွန် ကျောင်းသားအယောက် တစ်ထောင် အတွက် စာသင်ခန်းများပြင်ဆင်မှုနှင့် ရန်ကုန်မြို့ မဟုတ်သော နယ်မှ ကျောင်းသား ကျောင်းသူ များကို အဆောင်နေခွင့်ပေးနိုင်ရန်အတွက် အဆောင်များကို ပြင်ဆင်နေကြောင်း သိရသည်။
”အလှူငွေလိုတယ်လို့ ပြောတာကလည်း သူကကျောင်းသားရေးရာကဌာနမှူး ဆိုတော့ သူ့မှာလည်း အစိုးရကို တင်ပြလို့မရတဲ့ကျောင်းနဲ့ ပတ်သက်ပြီးပြင်ဆင်စရာကိစ္စလေးတွေရှိလို့နေ့မှာပါ။”ဟု ရန်ကုန်တက္ကသိုလ်မှ ပါမောက္ခတစ်ဦးက ပြောသည်။
ရန်ကုန်တက္ကသိုလ် စာသင်ခန်းများနှင့် ကျောင်းသားအဆောင်များ ပြန်လည်ပြင်ဆင်မှုနှင့် ပတ်သက်၍ ကုန်ကျမည့် ငွေကြေးပမာဏကို အင်ဂျင်နီယာအဖွဲ့များနှင့် သေချာတွက်ချက်ပြီး တင်ပြလျှင်ကုန်ကျမည့် ငွေကြေးပမာဏအားလုံးကို နိုင်ငံတော်အစိုးရမှ ချထားပေးကြောင်း ရန်ကုန်တက္ကသိုလ် ပါမောက္ခချုပ် ဒေါက်တာ ဦးတင်ထွန်းထံမှ သိရသည်။
”ရန်ကုန်တက္ကသိုလ် ပြင်ဆင်မှုအတွက် ကုန်ကျစရိတ်တွေကို နိုင်ငံတော်အစိုးရဆီမှာ လိုသလောက် တောင်းလို့ ရတယ်။ ကုန်ကျမယ့် ငွေပမာဏကို တွက်ချက်ပြီးတင်ပြရင်လည်း တင်ပြသလောက် ငွေကို အကုန်ချပေးတယ်။ ဘယ်အလှူရှင်မှ မလိုအပ်ပါဘူး။”ဟု ရန်ကုန်တက္ကသိုလ် ပါမောက္ခချုပ်ဒေါက်တာ ဦးတင်ထွန်းက ပြောသည်။
ရန်ကုန်တက္ကသိုလ်၌ ပထမနှစ်ထူးချွန်ကျောင်းသားများကို မေဂျာတစ်ခုလျှင် လူဦးရေအယောက် ၅၀ နှုန်းဖြင့် မေဂျာ ၂၀ ခုအတွက် ကျောင်းသားကျောင်းသူ အရေအတွက်တစ်ထောင်ကို လက်ခံသွားမည်ဖြစ်ကြောင်း သိရသည်။
by myitmakha
No comments:
Post a Comment