“ဘယ်နေ့ဘယ်ရက်နောက်ဆုံးထားပြီးတပ်ရုပ်ပေးရမယ်ဆိုတာတော့မပြောဘူး။ အဓိက ကတော့ သူတို့ လှုပ်ရှားသွားလာတဲ့ လမ်းကြောင်းမှာ ကျနော်တို့အင်အားရှိနေတော့ ထိပ်တိုက်ဖြစ်မှာစိုးလို့ ဖယ်ရှား ပေးပါလို့ ကျနော်တို့ရုံးတာဝန်ခံကို တိုင်းမှူးက ခေါ်ပြောတာ” - ဟု ပြောခွင့်ရ ဒုဗိုလ်မှူးကြီး စိုင်းလ ကပြောသည်။
“အဲဒီဒေသမှာ အခုမှ ကျနော်တို့သွားနေတာမဟုတ်ဘူး။ အရင်ကတည်းက လှုပ်ရှားသွားလာတာ၊ တပ်စ ခန်း ကြီးကြီးအခြေချနေထိုင်တာလဲမရှိ ဘူးလို့ဘဲ ပြန်ပြောခဲ့တာ၊ အထက်ကိုတော့ တင်ပြပေးပါ့မယ် လို့ ပဲပြောခဲ့တယ်” - ဟု ဗိုလ်မှူးစိုင်းအောင်လတ်က ပြောသည်။
မြန်မာအစိုးရတပ်သည် သျှမ်းပြည်တပ်မတော် အခြေချတပ်စခန်း၊ အခြေစိုက်တပ်စခန်းများနှင့် လှုပ် ရှား စစ်ကြောင်းများ တပ်ရုပ်ပေးရန်တောင်းဆိုသော်လည်း ၂၀၀၉ မှစ၍ ယနေ့အထိ SSPP/SSA ဌာနချုပ် အနီးတဝိုက် တိုးချဲ့အခြေချနေရာယူထားသည့် ၎င်းတို့၏ တပ်ရင်း ၂၀ ရင်းထက်မနည်း အင်အားထောင်ဂဏန်းကမူ တပ်ရုပ်ပေးခြင်းလုံးဝ မရှိသေးပေ။
သျှမ်းပြည်တပ်မတော် SSPP/SSAသည် နေပြည်တော်အစိုးရနှင့် ပြည်ထောင် စုအဆင့် ငြိမ်းချမ်းရေး လက်မှတ် ရေးထိုးထားသည့်တပ်ဖွဲ့ဖြစ်သည်။ ဂျန္နဝါရီ ၂၈ ရက် ၂၀၁၂ လက်မှတ်ရေးထိုးစဉ်မှ စ၍ ယနေ့တိုင် တိုက်ပွဲပေါင်း အကြိမ် ၁၀၀ ကျော် ဖြစ်ပွားခဲ့သည်။
သျှမ်းသံတော်ဆင့်
No comments:
Post a Comment